YAZID NE HZ HUSSAIN RA KE QAATILON KO SAZA KYON NAHI DI !! (TAHIR UL QADRI KE SAWAL KA JAWAB)

Bismillahirrahmanirraheem



SAWAL: Agar yazid ka ahle bait ke qatl me koi haanth nahi aur yah sab kuch ibne saad wa ibne ziyaad ki shararat hai to kya yazid ka yah farz nahi tha ki wah bahuqme apne governer etc ko bulaata aur unhe ahle bait ke qatal me wah ibne ziyad badmash ko commandari se hata sakta tha??



JAWAB: Yah sawal jayez hai yazid ko yaqinan hz hussain ra ke qaatilon se hisaab karna aur unhe commandari(status) se hata dena chahiye tha,

lekin jis tarah har baadshah ki kuch political majboorian hoti hain jin ke bina par kabhi kabhi unhe apne afsaron(officers) ki kuch aisi kaarywaayi(actions) se bhi aankhen moondni(closing) pad jaati hai, jinhe wah khud bhi ghalat samjhte hain, isi tarah ho sakta hai kuch aisi siyaasi majboori ho jisko yazid ne zyada importance de diya ho jabki use qatl hussain ko zyada importance dene chahiye thi, 

ise aap uski ek aur bahut badi ghalti maan sakte hain Bas, 

khud hz ali ra ko dekh lijiye ki uski khilaafat ki kuch majbooriyon ne unhe na sirf hazrat usman ra ke qaatilon se aankhen band(close) karne par majboor kar diya balki use bade bade ohde dene pade, jabki hz usman ra ke qatl ka waqeya bhi kuch dardnaak aur yah gunaah bhi kuch kam darje kd na tha lekin iske bawajood hz ali ra unke khilaaf kuch na kar sake, yazid ne to hussain ra ke qaatilon ko unki commandari se sirf hataya hi nahi tha lekin hz ali ra ne to hz usman ra ke baad qaatilon ko bade bade ohdon se nawaaza,


yah waqeya agar hamare liye shakht dardnaak hai lekin is kya ilaaj ki " ahle sunnat" jab sahaba kiraam ra ke daur ko bhi bilkul shiat(rafziyat) ke chasme se dekhna shuru kar den to phir is ke bina chaara bhi nahi,


allah hamari in baton ko maaf farmaye...



Ye sawal pakistan me barelwi magazine RAZA E MUSTAFA(TAHIR UL QADRI) ka hai..... Jiska jawab ahle hadith islamic magazine AL EHTISHAM (salahuddin yousuf rh) walon ne diya....


Jisko shaikh salahuddin yousuf rh ki kitaab " MAHE MUHARRAM AUR MAUJOODA MUSALMAAN" me naqal kiya gaya hai


Aur sawalon ke jawab inshallah baad me post karenge....

Credited To:-http://islamicleaks.blogspot.com

' AHLE BAIT' KE BAARE ME MAN GHADANT RIWAYATEIN(SHIA EXPOSED)

Bismillahir rahmanirraheem



kuch log maslan shia aur kuch hamare sunni kahlane wali bhai(brelwi) ahle bait ke baare me ghalat riwayat bayan karte hain.,


yah kaise samjha ja sakta hai ki nabi sws yah kah kar apne khaandaan ko priority den ki jo unka khoon bahaayega us par allah ka azaab utrega, kyonki yah baat saabit hai ki najayez qalt shariat me haram hai, aap is se ki hashmi ka ho ya gair hashmi ka


(surah nisa 93)


isliye qatl ki hurmat me haashmi wa gair haashmi, sab musalmaan barabar darja rakhte hain,


isi tarah rasoollullah sws ko takleef dena haraam hai aap is se ki aap ke khaandaan ko takleef de kar ya ummat ko satakar, ya sunnat ko chhodkar,


ab saaf ho gaya ki is tarah ki be buniyaad hadithen jaahilon aur bidation ke elawa aur koi nahi bayan kar sakta


isi tarah yah kahna ki rasoollullah hz hasan ra aur hz hussain ra se nek sulook ki musalmanon ko hamesha wasiyat karte aur farmate they " ye tumhare paas meri amanat hai" bilkul ghalat hai,


beshak hz hasan wa hussain ra ahle bait me bada darja rakhte hain, lekin nabi sws ne yah kabhi nahi farmaya ki "hasnain tumhare paas meri amanat hain" rasoollullah sws ka maqaam is se kahi zyada uncha wa aala hai ki apni awlad logon ko saupen,

aisa kahne ke do hi matlab ho sakte hain,


1- yah ki jis tarah maal amanat rakha jaata hai aur us ki hifazat zaroori hoti hai to yah soorat to ho hi nahi sakti kyonki maal ki tarah aadmi amanat me nahi rakhe jaate.


2- ya yah matlab hoga ki jis tarah baccho ko dusron ke hawale kiya jaata hai to yah soorat bhi yahan sahi nahi ho sakti kyonki bachpan me hasnain apne maa baap ki god(lap) me the, aur jab baaligh hue to aur sab aadmiyon ki tarah khud mukhtaar aur apne zimmedar ho gaye


agar yah matlab bayan ki jaaye ki nabi sws ne ummat ko un ki hifazat wa dekh bhaal ka huqm diya tha to yah bhi sahih nahi Kyonki ummat kisi ko musibat se nahi bacha sakti, wah sirf allah hi ki zaat hai jo apne bandon ki hifazat karta hai,


agar kaha jaaye ki isse aap ki mansha un ki himayat wa madad thi, to is me un ki khaas baat nahi, har musalman ko dusre mazloom musalman ki himayat wa madad karni chahiye aur saaf hai hasnain ra iske jyada haqdaar hain,


isi tarah yah kahna ki aayat:

" main tum se koi mazdoori nahi maangta hun sirf rishtedaari ki muhabbat chahta hun"

(ash shoura 23)


hasnain ra k baare me nazil hui hai, bilkul jhoot hai kyonki yah aayat shura ki hai aur surah shura makki hai aur hasnain ra kya maayena? Hz fatima ra ki shaadi se bhi pahle utri hai, aap ka nikaah hijrat ke dusre saal madeena me hua aur hasan wa hussain ra hijrat ke teesre ya chauthe saal paida hue, phir yah kahna kaise sahih ho sakta hai ki aayat unke baare me naazil hui hai?


(minhajus sunnah page 237)


aap sws ne farmaya:-" pichli qaumen is tarah barbaad hui ki jab un me ko bhala shaks chori karta to chhod diya jaata tha, lekin jab mamooli shakhs gunah karta to use saza di jaati thi, allah ki qasam! Agar fatima binte muhammad (sws) bhi chori karen to main uska bhi haath kaat daalunga"


( sahih bukhari ,sahih muslim 1688)


is hadith me nabi sws ne saaf kar diya hai ki agar aap ka qareeb se qareeb ristedaar bhi gunaah me shaamil hoga to use sharai saza zaroor milege,


is tarah yah riwayat bhi rasoollullah sws par safed jhoot hai


" jisne mere ahle bait ka khoon bahaya aur mere khaandaan ko pareshani dekar mujhe takleef pahunchaayi us par allah ka aur mera ghussa shakht hoga"


is tarah ki baat aap sws ki zabaan e mubarak se kahin nahi nikal sakti thi...

Kyonki nabi sws ne farmaya:-" tamam musalmanon ka khoon barabar hurmat rakhta hai"

(abu dawood, jihad bab fi al shariah )


hashmi wa gair hashmi ka khoon barabar hai.




HZ HUSSAIN KE QAATILON KE BAARE ME RIWAYAT:


rahi we riwayatein jo bayan ki jaati hain ki rasoollullah sws ne farmaya:-" hussain ka qaatil aag ke taboot me hoga, is akele par aadhi jahannum ka azaab hoga, us ke haanth pair(feet) aatishi zanzeeron se jakde honge wah jahannam me ulta utaara jaayega yahan tak ki uski tah tak pahunch jaayega aur us me itni shakht badboo hogi ki jahannami tak allah se panah maagenge wah hamesha jahannam me pada jalta rahega"


to yah riwayat bilkul jhooti hai jo rasoollullah sws par tohmat baandhne se sharmate nahi,

kahan aadhi jahannam ka azaab, aur kaha ek aam insaan?

Fir'on aur dusre kaafir wa bidati, ambiya aur momineen ke qaatilon ka azaab hussain ra ke qaatilon se kahin zyada shakht hoga balki hz usman ra ke qaatilon ka gunah bhi hz hussain ra ke qaatilon se zyada hai.....


Allah ham sab ko samjhne ki taufeeq de aameen summa aameen

Credited To :-http://islamicleaks.blogspot.com

" IMAM " AUR " ALAIHISSALAAM"

Bismillahirrahmanir raheem



ahle sunnat(sunni) ke zyadatar log hz hussain radiallahuanho ko bina soche samjhe " imam hussain alaihissalam" bolti hai, 

jabki sayyidena hz hussain (ra) ke saath " imam" ke alfaaz bolna aur is tarah "radiallaho anho" ki jagah "alaihissalam" kahan bhi shiyyat (rafziyyat) hai, ham tamam sahaba kiraam ra ke saath izzat wa samman ke liye " hazrat" lafz istemal karte hain, hazrat abu bakar ra, hazrat umar ra, hazrat usman ra, hazrat ali ra, etc...

Ham kabhi "imam abu bakar, imam umar nahi bolte,

isi tarah ham sahaba kiraam (ra) ke paak naamon ke baad "radiallaho anho" likhte aur bolte hain, aur kabhi "abu bakr alaihissalam, umar alaihis salam " nahi bolte,


lekin hz hussain ra ke saath "radiallaho anho" ke bajaaye "alaihissalam bolte hain,


kabhi iske baare me samjha ki aisa kyon hai??

Asal me ye shiyyat(rafziyyat) ka aqeedah ka nateeja hai jo be soche samjhe hamare andar Daakhil ho gaya hai, isliye yaad rakhiye ki yah shiaon ka ek buniyadi masla " imamat " ka bhi hai aur imam unke nazdeek ambiya ki tarah allah ki taraf se masoom(galtiyon se paak, free from errors) hota hai,


hz hussain ra bhi unke baarah(twelve) imamon me se ek imam hain, isliye unke liye "imam" ke lafz istemaal karte hain aur isi tarah unke liye "alaihissalam" likhte wa bolte hain,


hamare nazdeek we sahabi e rasool hain, "imam masoom" na ham shiaon ki imamat masooma ko maante hain,

isliye hamen unhe dusre sahaba kiraam ki tarah " hazrat hussain ra " likhna aur bolna chahiye, "imam hussain as" nahi,

kyonki yah shiaon ke jaane pahchaane aquaid aur chalaaki( cleverness) ke ishaare hain....


Allah hamen samjhne ki taufeeq de

Credited To :-http://islamicleaks.blogspot.com/

YAZID BIN MUAWIYA RA, AUR MUHARRAM UL HARAM KI BIDATEN AHMAD RAZA KHAN KE AINE ME

BISMILLAHIR RAHMANIR RAHEEM


YAZID BIN MUAWIYA RA KE BAARE ME AHMAD RAZA KHAN KI SAFAAI:


Maulana ahmad raza khan faazil barelwi, jo musalmano ko kaafir kahne me bahut bebaak maane jaate hain, yazid rh ke baare me yah safaai dene ki baad ki imam ahmad rh etc use kaafir jaante hain aur imam ghazali etc musalman kahte hain,

Apna maslak yah bayan karte hain ki:

" Aur hamare imam khamosh rahte hain ki ham na musalman kahen na kaafir, isliye yahan bhi khamosh rahenge"

( Ahkam shariat part 2 pg 88)

AHMAD RAZA KHAN AUR UNKE MUREEDON KI NAFARMANI:


Iske elawa ahle sunnat walon ki badi tadaat maulana ahmad raza khan barelwi ki mureed hai, lekin hairat hai ki iske bawajood wah muharram ki in gadi hui rasmon me bad chadh kar hissa lete hain, jabki ahmad raza khan barelwi ne bhi muharram ki in rasmon se mana kiya hai aur inhe bidat ,najayez, aur haraam likha hai aur in ko dekhne se bhi roka hai, unka fatawa hai


" tajiya aata dekh kar Nazaren fer len, uski taraf dekhna hi nahi chahiye"


(irfan e shariat part 1 pg 15)


Unki ek kitab tajiyadari hai us ke page 4 par likhte hain:

1- "Gharj ashray e muharramul haraam ki agli shariaton se is shariat paak tak badi barkat ibadat thahri thi, in behuda rasmon ne ne jaahilana aur gunaho ke melon ka zamana kar diya"


2-" yah kuch aur isi ke saath soch wah kuch ki mano gadi hui tasweeren theek theek unhi hazraat shaheed sahaba ke janaze hain"


3-" kuch utaara baaki toda aur dafan kar diye, yah har saal maal ki barbaad karne ke jurm me do gunah judagaana hai, ab tajiadari is galat tareeqe ka naam hai, bilkul bidat wa najayez wa haram hai"


page 11 par likhte hain-

4-" Taajiya par chadha khana na khana chahiye,agar niyaz dekar chadhayen, ya chadhakar niyaz den to bhi uske khane se parhez karen"


Aur page 15 par sawal jawab hai,-


SAWAAL- Tajiya banana aur us par nazar wa niyaz karna, Zaruraten poori hone ki ummeed me mannate latkana aur acchi bidaton ki niyat se use bhalai janna kaisa gunah hai?


JAWAB: Ye saare kaam jis tarah logon me aaj ke zamane me mashoor hain, bidaten aur haram wa najayez hain.


Isi tarah muharram ki dusri bidat marsiya padhne ke baare me "irfan e shariat" ke pahle part page 16 par ek sawal wa jawab yah hai,


SAWAL: Muharram shareef me marsiya padhne me shirqat jayez hai ya nahi??

JAWAB: Najayez hai, we gunahon se bhare hote hain.


Muharram ko gham ka mahina samjha jaata hai, isliye in dinon me siyah ya sabz libaas pahna jaata hai aur shadi biyaah se bacha jaata hai, is ke baare me ahmad raza khan likhte hain:

" Muharram me siyah, sabz kapde gham ki nishani hai aur gham haraam hai"


( Ahkam shariat 171)


MASLA:

Kya farmate hain is masle ke baare me ?

1- kuch ahle sunnat wal jamat muharram ke dinon me na to din bhar roti pakaate hain na jhaadu dete Hain, kahte hain dafan karne ke baad pakaayi jayegi.

2- in 10 dinon me kapde nahi utaarte.

3- maahe muharram me koi shadi biyah nahi karte.


JAWAB:

"Teeno baatein gham hain, aur gham haraam hai"


(ahkam shariat part 1 pg 171)


Ahmad raza khan ki safaai ke baad ummeed hai ki barelwi ulama apne logon ki sahih rahnumayi karenge aur we apni jihalat aur ulama ki khamoshi ki bina par jo uper likhi bidaton wa khurafaat karte hain ya kam se kam aisa karne walon ke julooson me shirqat karke unke badhawe ka zariya bante hain, unhe inse rokne ki koshish karenge....


ALLAH HAMEN HAQ BAAT KAHNE AUR SAMJHNE KI TAUFEEQ DE.... Ameen

CREDIT TO :-http://islamicleaks.blogspot.com/

HZ HUSSAIN RA KE BHAI MUHAMMAD BIN HANFIYA RH KI TARAF SE YAZID BIN MUAWIYA KI SAFAAI:

Bismillahirrahmanirraheem


NAFARMANI AUR ZINAKARI KE AFSANE:


Rahi baat ki yazid rh ki nafarman wa zinakaar hone ke afsano ki, to yah bhi poori tarah ghalat hai jis ka radd ke liye khud hz hussain ra ke bade bhai muhammad ibn hanfiya ka yah bayan hi kaafi hai jo unhone uske baare me isi tarah ke afsane sun kar diya tha:

" Tum unke baare me jo kuch kahte ho maine unme aisi koi cheez nahi dekhi, maine unke yahan qayaam kiya hai aur maine unhe pakka namazi, neak Parhejgaar, masail shariat se lagaao rakhne wala aur sunnat ka paband paya hai"

( Al badaya wan nihaya part 8 pg 233)


KUSTUNTUNIA KE JIHAD ME SHAREEK LOGON KI MAGHFIRAT KE LIYE NABI SWS KI KHUSH KHABRI:


Iske elawa kam se kam ahle sunnat ko is hadith ke mutabik hi yazid ko bura bhala kahne se bachna chahiye jisme rasoollullah sws ne kustuntunia ke jihad me shirqat karne walon ke baare me maghfirat ki basharat di hai aur yazid us jang ka commander tha, ya bukhari ki sahih hadith hai aur nabi sws ka farman hai, kisi kaahin ya najumi ki baat nahi ki baad ke waqeye use ghalat saabit kar den, agar aisa ho to phir nabi ke farman aur kaahin ki baat ke farq baaqi na rahega, kya hum is hadith ka mazak udakar yahi kuch saabit karna chahte hain??


" Meri ummat ka pahla lashkar jo kausar ke shaher (kustuntunia) me jihad karega, wah baksha huwa hai"

(SAHIH BUKHARI)



MUHAMMAD BIN HANFIYA KI TARAF SE YAZID BIN MUAWIYA KI SAFAAI:


Hz hussain ra ke bhai muhammad bin hanfiya rh ne un logon ke saamne, jin ke haath "bagawat" ki command thi, yazid ki bait tod dene aur uske khilaaf kisi muhim me shirqat karne se na sirf inkaar kar diya balki yazid par lagaye gaye ilzaamo ko bebuniyaad karaar diya aur yazid ki safaai pesh ki, is mauke par unhone jo tareekhi bayan diya hai wah is tarah hai-

haafiz ibne kathir likhte hain-

" Abdullah bin mutie aur unke saathi hz ali ra ke bete, muhammad bin hanfiya rh ke paas gaye aur unhe yazid ki bait tod dene par razamand karne ki koshish ki lekin unhone aisa karne se saaf inkar kar diya, is par ibne mutie ne kaha " yazid sharab noshi, namaz tark karne wala aur allah ki kitab ka munkar hai" Muhammad bin hanfiya ne kaha " tum jin baaton ka zikr karte ho maine un me se koi cheez isme nahi dekhi, main uske paas gaya hun, mera wahan qayam bhi Raha, maine usko hamesha namaz ka paband, parhezgar, deen wa ilm ka taalib aur sunnat ka hamesha paasdaar paya" Wah(mutie) kahne laga ,wah yah sab kuch banawat aur dikhawe ke liye karta hoga, ibne hanfiya ne jawab me kaha " mujhse use kaun sa darr ya laalach tha", jis ke bina par usne mere saath aisa kiya?? Tum jo us ki sharab noshi ka jikr karte ho, kya tum me se kisi ne khud use karte dekha hai?? Agar tumhare saamne usne aisa kiya hai to tum bhi us ke saath is kaam me shareek rahe ho, aur agar aisa nahi hai to tum is cheez ke baare me kya gawahi de sakte ho jiska tumhe pata hi nahi, we kahne lage " ye baat hamare nazdeek sahih hai jabki ham me se kisi ne use aisa karte nahi dekha" Ibne hanfiya rh ne farmaya " allah to is baat ko tasleem nahi karta , wah to farmata hai:

" gawahi unhi logon ki bhrosemand hai jinko is baat ki zaati taur par jaankari ho"

jaao!! Main kisi baat me tumhara saath nahi de Sakta, we kahne lage " shayad aap ko yah baat buri lagti ho ki yah maamla aapke elawa kisi aur ke haath me rahe agar aisa hai to jhanda ham aapke hawale kiye dete hain"

Biradar hussain ra ne kaha- " tum jis cheez par jung kar rahe ho, main sire se usko jayez hi nahi samajhta, mujhe kisi ke peeche lagne ya logon ko apne peeche lagaane ki zarurat hi kya hai?" we kahne lage-" aap isse pahle apne baap ke saath milkar jo jang kar chuke hain"

unhone farmaya-" tum pahle mere baap jaisa aadmi" aur unhone jin se jang ki "un jaise log" to laakar dikhao, uske baad main bhi tumhare saath mil kar jung kar lunga"

we kahne lage, aap apne beton abul qaasim aur qaasim hi ko hamare hawale kar den, unhone farmaya:-" main unko agar is tarah ka huqm dun to main khud hi kyon na tumhare saath is kaam me sharik ho jaaun?? We kahne lage, accha aap sirf hamare saath chalkar logon ko jung par taiyar kar den, unhone farmaya-

" Subhanallah! Jisko main khud napasand karta hun aur usse bachta hun, logon ko iska huqm kaise dun?? Agar main aisa karun to main allah ke maamle me us ke bandon ka chahne wala nahi, balki bura chahne wala hunga" we kahne lage -"ham phir aapko majboor karenge" unhone kaha " main us waqt bhi logon se yahi kahunga ki allah se daro aur bandon ki khushi ki khatir allah ko naraaz na karo"


( Al badaya wan nihaya 8/632)


ALLAH HAMEN YAZID RH PAR BADAKHLAKI SE BACHAYE..... Ameen

CREDIT TO :-http://islamicleaks.blogspot.com/

YAZID BIN MUAWIYA RA KO KUSTUNTUNIA(CONSTANTINOPLE) KE JIHAD KI COMMANDARI (TAREEKHI JAYEZA)

Bismillahirrehmanir raheem


Kustuntunia(constantinople) ke jihad se related sahih bukhari ki jo riwayat pahle jagahon par bahas me aa chuki hai, jis me yah khush khabri di gayi hai ki is jihad me shareeq hone wale log bakshe hue hain, lekin itihaas(history) ki purani kitaben is baat par sahmat hain ki is jihad ke ameer lashkar yazeed bin muawiya they, is silsile me sab se pahle musnad ahmad ki ek riwayat hai jisme saaf tarah se bayan hai ki-

" Is qustuntunia ke lashkar ke ameer jisme hz abu ayyub ansari (ra) bhi shareeq they, yazid bin muawiya they"

(musnad ahmad)

Isi tarah purani kitabon jaise ibne saad (230H) Ki Attabqatul qubra, ibne zarir tabri (310H) ki tarikhul umm wal muluq (part 4 page 173) aur khalifa bin khayyat (240H) ki taareekh (part 1 pg 196) me is jihad ke baare me yazid bin muawiya ki shirqat ka jikr is andaz hi se hai ki wah ameer e lashkar they, yah to nayi aur purani taareekhen hai . Baad ke itihaaskaaron(historian) me hafiz ibne kathir (rh) (774H) Ka jo darja hai, wah batane ki zarurat nahi unhone apni tareekh ki mashoor kitab al bidaya wan nihaya ki bahut se jagahon par iska khulaasa kiya hai,

(part 8 pg 59) par musnad ahmad ki riwayat bhi naqal ki gayi hai aur page 58 par hai ki hz abu ayyub ansari ra ki wasiyat ke mutabik un ki namaz e janaza yazid ne padhai

(AL BADAYA WAN NIHAYA PART 8 PAGE 58,59)

Isi part ke page 151 par likha hai ki hz hussain ra bhi us lashkar me maujood they

(page 151)

Aur page 229 me yazid rh ke haalat me yahi likha hai ki wo us lashkar me maujood they


(badaya wan nihaya pg 229)

Isi tarah ibne abdul barr(463H) Ki kitab " al istiaab fi maariftil ashab" part 2 page 157, imam suhaili rh (581H) ki oranjul anf (sharah seerat ibne hisham) 2nd part page 246, haafiz ibne hajar ki kitab "al asaba fi tamijussahaba" part 2 page 90 me isi haqiqat ka munazara Kiya gaya hai, iske elawa sharah bukhari "fath ul bari" part 6 page 125, (tawa darus salam) aur "umdatul qari" me bhi hadith ( yaghzuroona madinata qaysara) ki tafseel karte hue likha gaya hai,


Hadith aur tareekh ke in tamam hawalon se yah baat suboot ko pahunch jaati hai ki jis lashkar ke baare me rasoollullah sws ne "maghfurul lahum" (wah bakhsha huwa hai) farmaya hai us ke ameer yazid bin muawiya ra hi they.



Is tareekh ke jawab me kuch log yazid ko is khush khabri se darkinar karne ke liye kahte hain ki is lashkar ke ameer hz sufiyan bin auf they, yazid na they, lekin taareekhi daleelen is raaye ka difa(baatil hona) karti hain, jaisa ki hawala di gayi ibaarton se saaf hai,

shayad aise logon ke saamne ibnul aseer (630H) ki al kaamil aur ibne khaldun (808H) ki taareekh hai agar unke bayanon se bhi unki raaye poori nahi hoti,


Ibnul aseer ne is silsile me likha hai ki-

" Hz muawiya ra ne Kustuntunia ki taraf ek badi fauj bheji, hz sufiyan bin auf ko us ka ameer banaya aur apne ladke yazid ko bhi us fauj me shamil hone ko kaha lekin wah saath jaane ke liye taiyyar na huwa, lashkar wahan pahuncha aur khabar aayi ki wah musibaton se do chaar ho gaya hai is par yazid ki marzi ke mutabik bade lashkar me badhotri(increment) ki jisme hz ibne abbas ra, hz ibne umar ra, ibne zubair ra, aur abu ayyub ansari ra etc bahut se log they"


(TAREEKH IBNUL ASEER PART 3 PAGE 227)

Tareekh ibne khaldun me bhi (shayad) aisi hi baat likhi hai

(part 3 page 9, taba bairut 1971)


1- Ye dono kitabein baad ki hain jabki purani taareekh me yazid hi ko lashkar ka commander batlaya gaya hai jaisa ki pahle saare hawale darj kiye ja chuke hain.


2- Ibnul aseer aur ibne khaldun ke bayan kiye gaye dalail ko agar pahle historian ki dalail ki roshni me dekha jaaye to is me sirf itni zyadati milti hai ki yazid se pahle Ek lashkar sufiyan bin auf ki commandari me bheja gaya lekin iske bawajood wah lashkar ko kaarakardgi na dikha saka jiske baad yazid ki commandari me wah lashkar bheja gaya jisne wahan jaakar jihad kiya aur yun yazidi lashkar ki kustuntunia ke jihad ka pahla vijeta(winner) aur nabi (sws) ki khush khabri ko sahi tahraya gaya, isi ke saath tamam historian ka yazid ki ko us kustuntunia ke lashkar ka commander qaraar dena bilkul sahi hai, aur ibnul aseer aur ibne khaldun ki jaankaari bhi uske khilaf nahi, jabki isme ek baat ki zyadati(increment) bhi hai, lekin is zyadati se yazid ko is gaurav(greatness) se door karne ki koshish be buniyaad hai, yah baat to khud ibnul aseer ne apni zehan me bhi nahi thi jiska saaf saaboot yah hai ki unhone apni kitaab Asudul gaaba me yazid hi ko kustuntunia ke lashkar ka commander likha hai

(usdul gaaba part 2 page88- part5 page 145 taba old translation, abu ayyub ansari)


ALLAH HAMEN BADAKHLAKI SE BACHNE KI TAUFEEQ DE.....AMEEN

CREDIT TO :-http://islamicleaks.blogspot.com/

YAZID KO RAHMAHULLAH KAHNA NA SIRF JAYEZ BALKI MUSTAHAB (IMAM GHAZALI RH KA FATAWA)

Bismillahirrehmanirraheem


" Imam ghazali (rh) se sawal kiya gaya ki us insaam ke baare me kya huqm hai jo yazeed par lanat karta hai? Kya us par zinakari ka hukm lagaya ja sakta hai?? Kya us par lanat ka huqm hai?? Kya yazid waqai me hz hussain ra ko qatl karne ka iraada rakhta tha ya uska maqsad sirf apni hifazat thi??
Usko (ra) kahna bahtar hai ya us se bachna bahtar hai?"


Imam ghazali rh ne jawab diya musalman par lanat karne ka koi huqm nahi, jo insaan kisi musalman par lanat karta haì wah khud lanat waala hai rasullullah ne farmaya hai:

" Musalman lanat karne wala nahi hota" iske elawa hamen to hamari shariat islamia ne jaanwaron tak par lanat karne se roka hai to phir kisi musalman par lanat karna kis tarah jayez ho jayega? Jabki musalman ki hurmat(ijjat) hurmat kaaba se bhi jyada hai jaisa ki hadith nabi sws me bayan hai

(sunan ibne majah)

Yazid ka islam sahi taur par saabit hai jahan tak Hz husain ra ki shahadat ki waqeye ka talluq hai to is baare me koi sahi saboot maujood nahi ki yazid ne unka qatl kiya ya qatl ka hukm diya ya us par razamandi zahir ki, jab yazid ke baare me ye saboot ko hi nahi pahunchti to phir bura kahna bhi haram hai, Allah taala ne farmaya hai -" tum badakhlaki karne se bacho ki kuch badakhlaki gunah ke dayere me aa jaati hai"

aur nabi sws ka irshad hai-

"allah taala ne musalman ke khoon, maal, izzat wa aabru aur us ke saath badakhlaki karne ko haraam qarar diya hai"

jis insaan ka khayal hai ki yazid ne hz hussain ra ke qatl ka huqm diya ya unke qatl ko pasand kiya, wah pahle darje ka bewakoof hai, kya yah haqiqat nahi ki aisi soch rakhne waale ke daur me kitne ki shah, badshahon ko qatl kiya gaya lekin wah is baat ka pata chalane me kaasir raha ki kin logon ne un ko qatl kiya aur kin logon ko is qatl ko pasand ya napasand kiya jabki unke qatl uske bilkul Nazdeek me aur uske zamane me hue aur usne unka khud tahkikaat kiya, phir us qatl ke baare me kya kaha ja sakta hai jo bahut door ke ilaaqe me huwa aur jispar 400( imam ghazali rh ke daur tak) ki muddat bhi gujar chuki hai..

Iske elawa is waqeye par girohbandi ki moti tahen chad gayi hain aur riwayatein ke dher laga diye gaye hain jis ke bina par asal haqiqat ka suraag lagana namumkin hai, jab maamla yah hai ki haqiqat se naqaab uthana jayez hi nahi, isliye har musalman ke saath aache akhlaq rakhna zaroori hai, phir haq pasand (ahle sunnat) ka mazhab to yah hai ki kisi musalman ke baare me yah saabit bhi ho jaaye ki us ne kisi musalman ko qatl kiya hai tab bhi wah qaatil musalman. Kaafir nahi hoga, is liye ki qatl ka gunah kufr nahi ek shakht gunaah hai, phir yah bhi haqiqat hai ki musalman kaatil marne se pahle pahle tauba kar hi leta hai aur shariat ka huqm to yah hai ki agar koi kaafir bhi kufr se Tauba karle us par bhi lanat ki ijajat nahi , phir yah lanat aise musalman ke liye kyon jayez hogi jisne marne se pahle qatl ke gunah se tauba kar li ho?

Aakhir kisi ke paas is baat ki kya daleel hai ki hz hussain ra ke kaatil ko tauba ki taufeeq naseeb nahi hui aur wah tauba kiye bina hi mar gaya hai jab ki allah ka tauba ka darwaja har waqt khula hai

WAHUWAL LAZI YAQBALUL TAUBATA IBADIHI

(ASSHURA 42/25)

Baherhaal kisi tarah se bhi aise musalman par lanat karna jayez nahi jo marr chuka ho, jo insan kisi mare hue musalman par lanat karega wah khud allah ka nafarmaan hai,

Agar (maan len) lanat karna jayez bhi ho lekin lanat ki bajaaye khamoshi ikhteyar kiye rakhe to aisa insan gunahgaar na hoga balki agar koi insaan apni zindagi me ek baar bhi iblees par lanat nahi bhejta to qayamat ke din us se yah nahi poocha jayega ki toone iblees par lanat kyon nahi ki?

Albatta agar kisi ne kisi musalman par Lanat ki to qayamat ke din us se zaroor poocha ja sakta hai ki toone us par lanat kyon ki thi? Aur tujhe yah kaise malum ho gaya ki wah lanati hai? Jab ki kisi ke kufr wa imaan ka masla gaib ka ilm hai jise allah ke siwa koi nahi jaanta , haan shariat ke zariye hamen yah zaroor malum huwa ki jo insaan kufr ki haalat me mare wah lanati hai.


Jahan tak yazid ko "rahmatullah" ya "rahimahullah" kahne ka maamla hai to yah na sirf jayez balki MUSTAHAB (accha kaam) hai balki wah khud hi hamari un duwaon me shaamil hain jo ham tamam musalmano ki maghfirat ke liye karte hain ki

ALLAHUMMAGHFIR LIL MUSLIMEEN WAL MOMINAAT

" YA ALLAH! TAMAM MOMIN MARDON AUR AURTON KO BAKHS DE"

"isliye ki yazeed bhi yaqeenan momin tha"


(WAFYATUL AAYAAN 3/288, TABA BAIRUT)


ALLAH HAMEN SAHABION PAR BADAKHLAKI SE BACHAYE.... Ameen

CREDIT TO :-http://islamicleaks.blogspot.com/